НВО Саем 2007

НВО Саем 6 Форум на граѓанското општество

mcms@mcms.org.mk (Administrator) — Fri, 17 Jul 2009 10:42:21 +0000

Шестиот по ред НВО Саем - Форум на граѓанското општество ќе се одржи на 16 и 17 ноември 2007 година на Скопскиот саем во халите 2 и 3. Носечката тема на Саемот е „Еднакви можности за сите“. Пријавувањето за овој најголем настан на граѓанското општество во Македонија веќе започна. Сите детали и формулари за пријавување можете да ги најдете во оваа информација.

НВО Саемот - Форум на граѓанското општество во Македонија за прв пат се организираше во 2001 година. Првите две години, оваа најголема манифестација на граѓанското општество во Македонија се одржуваше во хотелот Александар палас. Од 2003 година, НВО Саемот се организира на Скопски саем.

На претходните пет манифестации учествуваа вкупно 1.030 организации, беа организирани 243 форумски настани, а Саемот го посетија 37.931 граѓани.

НВО Саемот им овозможува на граѓанските организации да ги покажат своите достигнувања, да разговараат за сегашните и идните приоритети на организирањето, да разменуваат искуства, да се координираат и комуницираат меѓусебно. Во трите дена, додека трае НВО Саемот, сe е подредено на работата на граѓанските организации, на нивните потреби, забелешки, идеи, планови...

Така ќе биде и оваа година, и на овој шести по ред НВО Саем - Форум на граѓанското општество.

Затоа пријавете се, или само посетете го Саемот. Погледнете ги постигнувањата на организациите на нивните штандови во изложбениот дел или бидете дел од некој од форумските настани.

Се гледаме на 16 и 17 ноември 2007 година на Скопски саем!

Целосна информација за 6 НВО Саем

Програма за форумскиот дел за 6-тиот НВО Саем

Распоред на изложбен дел за 6-тиот НВО Саем

Игри на среќа врз несреќните - кругот се проширува

mcms@mcms.org.mk (Administrator) — Fri, 17 Jul 2009 10:45:52 +0000

Полио Плус

Како средствата собрани од игрите на среќа и забавните игри се распределуваат беше носечкото прашање на панелот што го организираше Полио плус денес ро рамките на шестиот НВО Саем. Воведничарите се осврнаа на начинот на распределба на средствата, критериумите и висината на средствата.

Распределбата на приходите од игри на среќа на организациите што работат со хендикепирани лица се вршела уште во 1974 година.

Образованието - клуч за решавање на потребите на жените Ромки

mcms@mcms.org.mk (Administrator) — Fri, 17 Jul 2009 10:45:22 +0000

Жените Ромки во фокус

Во рамките на НВО Саемот се одржа панелот „Афирмативниот пристап кон решавање на специфичните потреби на Ромките“, во организација на мрежата РНВО 2002. Мирдита Салиу на почетокот на панелот напомена дека женското ромско движење се појави во деведесетите години. Тие првично започнаа да работат во рамките на хуманитарните организации. Потребите на жените Ромки потекнуваат од самото ромско семејство.

Зависниците од дрога се маргинализирани и дискриминирани од институциите и од граѓаните

mcms@mcms.org.mk (Administrator) — Fri, 17 Jul 2009 10:43:11 +0000

Панел: Дали лицата кои употребуваат дроги имаат еднакви шанси?

Корисниците на дрога во Македонија немаат можности како сите да се лекуваат, да се вработуваат и да им се почитуваат човековите права е заклучокот од дискусијата на тема Дали лицата кои употребуваат дроги имаат еднакви шанси, организирана од Македонската мрежа за намалување на штети. Иако законот вели дека секој има исто право на лекување, корисниците на дроги не доаѓаат лесно до медицинска помош, тие не се еднакви со другите кандидати при вработување, а многу полесно им се изрекуваат казни од страна на правосудните органи. Човековите права на зависниците од дрога не се почитуваат од страна на институциите, од граѓаните, па ни меѓусебно, во рамките на оваа целна група.

Политичарите во Македонија не даваат позитивен пример во почитувањето на законите

mcms@mcms.org.mk (Administrator) — Fri, 17 Jul 2009 10:44:37 +0000

Панел: Играј според правилата-почитувај го законот

Овде, играјте според правилата значи играјте според моите правила. Во Македонија, елитата која ги донесува законите, веќе 16 години не ги почитува. Тие се напишани од елитата за елитата. Тоа е војна меѓу политичарите и граѓанството, која во други држави завршува со револуции. Во Македонија граѓаните веќе 16 години се мирни и чекаат промени со консензус.

Првата награда за донација му припадна на Суад Мисини

mcms@mcms.org.mk (Administrator) — Tue, 21 Jul 2009 13:37:44 +0000

НАСТАН ЗА ПРИБИРАЊЕ НА СРЕДСТВА: „Помогнете им на децата Роми да одат на училиште“

Под наслов „Помогнете им на децата Роми да одат на училиште“ во рамките на саемот се одвиваше и социо - културниот настан на кој беа презентирани резултатите од двомесечната акција за креирање на фонд за набавка на учебници и школски прибор за децата Роми од РМ водена од страна на ХО „Мир“ и ЦИРа , а истовремено се одржа и јавно извлекување на планираните награди за најголемите донатори, кои донираа парични средства на саемот.

Споделување на власта

mcms@mcms.org.mk (Administrator) — Tue, 21 Jul 2009 13:43:29 +0000

ПАНЕЛ: Мала вклученост на малите заедници

Највпечатливиот наод на извештајот „Споделување на власта “ е ниската вклученост на малите заедници во Македонија.

„Малите заедници го добија вниманието на големите заедници и на јавноста со покренувањето на иницијативата за загарантирани места во Парламентот“, рече професорката Мирјана Малеска во своето обраќање на панелот „Вклучување на малите малцинства“ што се одржа денес во рамките на шестиот НВО Саем.

Споделување на власта

mcms@mcms.org.mk (Administrator) — Fri, 17 Jul 2009 10:43:56 +0000

ПАНЕЛ: Мала вклученост на малите заедници

Највпечатливиот наод на извештајот „Споделување на власта “ е ниската вклученост на малите заедници во Македонија

„Малите заедници го добија вниманието на големите заедници и на јавноста со покренувањето на иницијативата за загарантирани места во Парламентот“, рече професорката Мирјана Малеска во своето обраќање на панелот „Вклучување на малите малцинства“ што се одржа денес во рамките на шестиот НВО Саем.

Општеството ни е дискриминирачко, а не толерантно

mcms@mcms.org.mk (Administrator) — Tue, 21 Jul 2009 13:35:32 +0000

ПАНЕЛ: Колку е инклузивно македонското општество

Македонското општество е дискриминирачко кон дел од маргинализираните групи, иако неговите граѓани велат дека е толерантно, велат добиените резултати од истражувањето кое на тема „Колку е инклузивно македонското општество“ го спроведе Фондацијата Институт Отворено општество – Македонија, испитувајќи го нивото на толеранција на граѓаните кон Ромите, хомосексуалците, проститутките, лицата зависни од дроги и опојни супстанции, лицата со интелектуална и телесна попреченост, лицата зависни од алхохол.

На граѓанските организации им треба етички кодекс

mcms@mcms.org.mk (Administrator) — Tue, 21 Jul 2009 13:33:10 +0000

ПАНЕЛ: Етички кодекс во граѓанското општество

„Етички кодекс во граѓанското општество„ беше насловот на панелот на кој како што забележаа дел од присутните, повторно заинтересираност за оформување на прв кодекс од ваков вид покажаа мал број претставници на граѓанските организации, односно на Граѓанската платформа на Македонија, каде во неколку наврати во изминатата година прашањето, бес голем успех било отворано.