Воведно излагање: Ѓунер Исмаил

Сосема е евидентно дека Граѓанското општество навлегува во нова фаза. Ако во изминатите десетина и повеќе години, се занимававме со градење на свеста за потребата од поинаков ангажман, освен политичкиот, сметам дека веќе сме во фаза во која што: свеста за потребата од граѓански ангажман е изградена; базичните капацитети се формирани и се развиваат; мапата на организации во глобала е воспоставена; воспоставени се основните релации помеѓу организациите; па дури и Политиката стана свесна за тоа дека Граѓанското општество е присутно во вкупните случувања во општеството;

Какви се и ќе бидат можностите и капацитетите на НВО за соработка со локалната самоуправа

Почитувани, во мое лично име и во името на членовите на "Друштвото на родители за грижа за задраво поколение" од Велес упатувам благодарност до Организацискиот и Програмскиот одбор на НВО Форумот, за укажаната чест да бидам воведничар на панелот на тема: "Дали децентрализацијата ќе придонесе за поголема локална демократија" во делот "Какви се и ќе бидат можностите и капацитетите на НВО за соработка со локалната самоуправа".

Почитувани, Македонскиот центар за меѓународна соработка (МЦМС), во соработка со Фондацијата Институт отворено општество – Македонија (ФИООМ) и Институтот за трајни заедници (ИТЗ), имаат чест да ве информираат за НВО Саемот – 3 форум на граѓанското општество во Македонија.

НВО Саемот – 3 форум на граѓанското општество во Македонија ќе се одржи од 20 до 22 ноември 2003 година во Скопскиот саем. На истиот можат да учествуваат:

- здруженија на граѓани и фондации, регистрирани во Македонија (домашни и странски);

- домашни агенции и странски и меѓународни организации.

- Гости од соседни земји (за прв пат оваа гоодина на НВО Саемот – 3 форум на граѓанското општество во Македонија ќе бидат поканети и гости од соседните земји).

Организаторите на НВО Саемот – 3 форум на граѓанското општество во Македонија ќе обезбедат организиран превоз за сите заинтересирани граѓани кои сакаат да го посетат настанот, а кои доаѓаат надвор од Скопје. Предност ќе имаат: активисти и волонтери на граѓанските организации, ученици од средните училишта, студенти од универзитетот “Св. Климент Охридски”, од Битола и факултетите во Прилеп, Охрид и Штип, како и студенти од Универзитетот на ЈИЕ од Тетово.